Ոչ եւս է Իտալացի Կարտինալ` Ֆրանչէսքօ Մարքիզանոն։

Կիրակի, 27 յուլիս 2014-ին, իր մահկանացուն կնքեց, 85 ամեայ Իտալացի կարտինալ` Ֆրանչէսքօ Մարքիզանոն։ Ան երկար տարիներու ընթացքին եղած է Կաթողիկէ դաստիարակութեան ժողովի ենթաքարտուղար ու ապա Եկեղեցւոյ մշակութային ժառանգութեան քահանայապետական խորհուրդի ենթաքարտուղար ու Սուրբ Պետրոս պազիլիքայի աւագերէց ։ Կարտինալական աստիճանը ստացած էր 2003 թուականին եւ 2005-էն մինչեւ 2009 եղած է Սուրբ Աթոռի աշխատանքի գրասենեակի նախագահ։
Անոր մահով կարտինալական դասի անդամներու թիւը կ՛ իջնէ 212-ի որոնցմէ 118 –ը քահանայապետ ընտրելու իրաւունքով կարտինալներ։
Երջանկայիշատակ կարտինալին յուղարկաւորութեան արարողութիւնը տեղի կ՛ունենայ յառաջիկայ չորեքշաբթի` 30 յուլիսին, առաւօտեան ժամը 8-ին, Սուրբ Պետրոս Պազիլիքայի մէջ, նախագահութեամբ Կարտինալական դասի աւագերէց Կարտինալ Սոտանոյի։ Ֆրանչիսկոս Քահանայապետը պիտի գլխաւորէ գերեզմանատան կարգը։